"Fei Fränggisch" Ein tiefer Blick in die "Babbm"
Das Substantiv "Babbm" ist unter den Synonymen für "Mund" im Fränkischen irgendwo zwischen "Waffl", "Schnüss" und "Goschn" einzuordnen – auf der nach oben offenen Frotzel-Skala. David Saam geht ihr in unserer Rubrik "Fei Fränggisch" auf den Grund.
Babbm – wos für a schöns fränggisches Word mid drei b! Des muss mer sich amol auf der Zunga zergeh lossn … Und die hodd bei der Ausschbrooch dadsächlich Zeid, wall sie konn ganz gemüdlich däbai zuschaua, wie Lufd vo inna geecher die Libbm vo der Babbm gebressd werd, bevor sich donn die Babbm kurz öffned, um des b nauszerschleudern.
Des Substantiv Babbm, der Mund, kummd vom Verb babbeln, wos soviel wie reden, blaudern, schwätzen bedeuded. Babbeln schdedd obbä laud Lexikon aa für "lallen, unverständlich reden" und des desderweeng, walls laudmalerischen Urschbrungs is und frühe Äußerungen vo ganz glanne Kinder imidierd.
Laudmalerisch soll aa die Herkunft vom Verb babbm sei.
"Wer hoddn des Babberla do nogebabbd?"
Und zwoä is als Pappe in vergangene Zeidn Kinderbrei bezeichned woän – sogoä die alden, aber damals noch sehr jungen Römer homm scho pappa dazu gsochd – und der is hald gscheid babbich, so hodd sich wohl die klebriche Bedeudung vo babbm rausgformd (wemmer vo Form bei Kinnerbrei übähabbds reden konn). Aa die Babbm, aus der mer z.B. Karddons machd, hodd dermidd zer do, wall Babbm aus zammgebabbde Zell- oddä Holzschdoffe gmachd werd.
Also Babbm, babbeln, babbm, Babbm – irgendwie babbd des alles zamm und maand doch alles aweng wos annerschds.
Horch, Babba!
Hald Dei Babbm und babbel ned so dumm,
draußn läffd der Schudzmonn rum!
Babb neer bloß ka Babbm on die Wänd,
sunsd kummd glei der Schudzmonn grennd!
"Fei Fränggisch" - unsere neue Rubrik
Des mit dem fränkischen Dialekt ist ja nicht so ganz einfach - also nicht falsch verstehen! Nicht nur zwischen Nordseeküste und Allgäu tun sich die Deutschen manchmal schwer, einander zu verstehen, auch innerhalb von Bayern ist das möglich. Das liegt an der Dialektvielfalt: "das Bayerische" oder "das Fränkische" gibt es ja gar nicht - stattdessen ostfränkisch, mainfränkisch, nord-, mittel- oder südbairisch oder das Schwäbische. Holla! In unserer neuen Rubrik "Fei Fränggisch" erklärt unser Autor David Saam in seiner unnachahmlichen Art ganz allgemeine oder auch mal ganz spezielle Dialektworte.