Die Menschen in Franggn senn ziemlich lässiche Dybbinnen und Dybben. Mid aaner dendenziell endschbanndn Einschdellung zum Leem schüddzn sie sich vor am boddenziellen Börnaud. Damidds ihna ned zu vill werd, machen sie vill Zeuch brofylaggdisch bloß aweng.

"Ich geh heud aweng nei'ns Büro, aweng ärbern."

Des is a obdimole Einschdellung, um einer Überarbeitung und folgenden körberlichen Abgeschlaffdheid vorzubeugen. Dabei maand die Bedeudung vom althochdeutschen Vorgänger vo aweng genau des. Wer wenag woä, woä beklagenswert, elend, schwach. Und des hodd a gemeinsame Wurzel mit weh, also wenn mol wos weh dud.

"Gesdern woäri aweng Bier dringgn – hobb iich a Schädelweh."

Wir sehen: aweng muss ned immer nur "ein wenig" bedeuten.

"No wors am End vielleichd doch aweng vill Bier, hä?"

Aweng vill – hier zeigd sich die Meisderschafd Franggns im lässichn Relativieren! Aweng weng gibbds nadürlich aa: Wemmer zum Beischbill mim schlecht eigschenggdn Biergruuch zum Ausschangg gedd und sochd:

"Des woä fei aweng weng, do konnsd mer gern nuch aweng nachschenggn, dass aweng mehra werd."

Wem des Wörddla aweng immer nuch aweng zu broddzich vorkummd: Es gedd fei nuch unaufgereechder, indem mer ganz lässich aweng a -le oder -la dronhängd.

"Mei Schneggala, horch, iich mooch Diich fei scho … also, so awengala."

"Findsd ned, dassd edz a bisserle übädreibsd?"

"Fei Fränggisch" – unsere neue Rubrik

Des mit dem fränkischen Dialekt ist ja nicht so ganz einfach – also nicht falsch verstehen! Nicht nur zwischen Nordseeküste und Allgäu tun sich die Deutschen manchmal schwer, einander zu verstehen, auch innerhalb von Bayern ist das möglich. Das liegt an der Dialektvielfalt: "das Bayerische" oder "das Fränkische" gibt es ja gar nicht – stattdessen ostfränkisch, mainfränkisch, nord-, mittel- oder südbairisch oder das Schwäbische. Holla! In unserer neuen Rubrik "Fei Fränggisch" erklärt unser Autor David Saam in seiner unnachahmlichen Art ganz allgemeine oder auch mal ganz spezielle Dialektworte.